泰chill

呢排成日好攰都係近近地食飯算，諗諗下好耐無食泰國菜就醒起由岩岩搬黎天水圍就想試既呢間泰國菜，成日行過見到都覺得幾靚，但次次經過都食完飯，今次終於有機會試 去到既時候無咩客人，位置坐得幾舒服，環境都算靚，仲有大屏幕播泰國MV,就算唔食飯飲杯野傾下計都好chill 泰式燒牛仔骨  唔會太肥太瘦，唔乾好夠味，佢係牛仔骨所以肉都算平均，仲有個黑椒汁，我個人覺得唔洗點，因為佢就咁都好食，推薦！ 沙嗲 豬，牛，雞各兩串 大大串，多肉唔乾身，價錢合理 出黎時好夠熱，唔會爆汁但唔會好似出面既串燒好鞋 冬蔭公湯 叫左個細既，我地兩個好似次次泰菜都叫冬蔭功，但呢間有驚喜，好香好夠味，令我地飲完一碗又一碗，都算多料。細既大概有5碗飯碗左右，兩個人夠曬飲 班蘭咖哩雞+薄餅 咖哩佢有3種，紅咖哩，黃咖哩同班蘭咖哩 班蘭咖哩好特別第一次聽，食落唔會勁濃咖哩味，少少既班蘭既香味，我竟然覺得佢既紅椒好好食 咖哩一定要加薄餅食，但我又因為想食薄餅而叫咖哩，就係泰菜印度菜我都離唔開咖哩同薄餅🥰 薄荷葉泰國菜 (元朗) 元朗安康路怡康大廈地下12-13號舖 #泰國菜 #沙嗲串燒 #冬蔭功 #咖哩 #元朗美食 #Chill #豬牛雞 (此文章由U Blog 同步發佈至社群)